Sociedade Antropolóxica Galega
Galician Anthropological Society


A S.A.G.A EN GALES E INGLATERRA CON CLAVE GALAICA

Stonehenge: a SAGA na chaira de Salisbury.

Stonehenge. A SAGA na Chaira de Salisbury
O ano 2013 ten sido un período con grandes novidades referentes a unha das iconas mais senlleiras do ámbito cultural atlántico europeo. Stonehenge. Das investigacións concluídas neste ano derivouse a consecuencia de que o proceso de sacralización do lugar tiña comezado uns 5000 anos antes do que se pensaba, o cal significa que foron as sociedades de cazadores e recolectores as que encetaron o gran proxecto paisaxístico a gran escala no que se transformou toda a rexión da chaira de Salisbury, na bisbarra de Wiltshire. Mesmo Peter Rowley-Conwy, profesor de arqueoloxía na Universidade de Durham, ten afirmado, para a BBC, que Stonehenge ten o potencial para se converter nun dos meirandes sitios mesolíticos de todo o Noroeste europeo .
Na SAGA, tamén durante este ano 2013, estivemos e percorremos esta rexión británica co gallo de observar cos nosos propios ollos a abraiante enerxía despregada por unhas comunidades que decidiron que cumpría modificar o mundo xa que, probablemente, carecía de certas características que consideraban necesarias. Aquela paisaxe non era dabondo. Non traía "de serie" os elementos imprescindibles para o axeitado despregue dunha nova e titánica maneira de ver o mundo.
A firmeza e vontade daquelas xentes, tendía cara a modificación tanto da fasquía da paisaxe como do seu contido. Hoxe fálase moito do concepto da "realidade aumentada"; en certo sentido esta é xa unha idea moi antiga que neste caso si que semella vir "de serie " co concepto mesmo de ser humano xa que todas as culturas teñen aplicado a fórmula dun xeito ou doutro.

O Teso de Old Sarum

Unha visita á mota de Old Sarum. Grandes Gavias, moreas de silex e catedrais recicladas.

Contactos

Sociedade Antropolóxica Galega

Síguenos na Rede

Segue a Sociedade Antropolóxica Galega (SAGA) nas Redes Sociais.

Wordpress   Blog da Antropoloxia Galega

Wordpress En Facebook

Twitter   En Twitter

Youtube   En Youtube

 En Ivoox

 En Isuu

Aviso Legal